"Lill" yarim himoyachisi Jonatan Ikone "Fiorentina"ga o‘tishga yaqin turibdi, deya xabar beradi jurnalist Fabrisio Romano.

Manbaning xabariga ko‘ra, yaqin orada "binafsharanglilar" 23 yoshli fransiyalik futbolchining transferi haqida e’lon qilishadi. Qayd etilishicha, italiyan klubi futbolchi uchun 14 million yevro + 1 million bonus to‘laydi. "Lill" ham futbolchining keyingi sotuvidan 15 foiz oladi.

Joriy mavsumda Ikone “Lill” safida 25 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Transfermarkt portali futbolchining narxini 22 million yevroga baholamoqda.