"Лилль" ярим ҳимоячиси Жонатан Иконе "Фиорентина"га ўтишга яқин турибди, дея хабар беради журналист Фабрицио Романо.
Манбанинг хабарига кўра, яқин орада "бинафшаранглилар" 23 ёшли франциялик футболчининг трансфери ҳақида эълон қилишади. Қайд этилишича, италиян клуби футболчи учун 14 миллион евро + 1 миллион бонус тўлайди. "Лилль" ҳам футболчининг кейинги сотувидан 15 фоиз олади.
Жорий мавсумда Иконе “Лилль” сафида 25 та ўйинда майдонга тушиб, 2 та гол урди ва 2 та голли узатмани амалга оширди. Трансфермаркт портали футболчининг нархини 22 миллион еврога баҳоламоқда.
