"Milan" himoyachisi Andrea Konti "Empoli"ga o‘tishi mumkin, deya xabar beradi jurnalist Janluka di Marsio o‘z saytida.
Manba bergan xabarga ko‘ra, "Empoli" himoya chizig‘ini kuchaytirishni rejalashtirgan va qishki transferlar vaqtida 27 yoshli italiyalikni sotib olmoqchi.
Bu mavsumda Konti “Milan” safida birorta ham o‘yin o‘tkazmadi. Himoyachining klub bilan shartnomasi 2022 yilning 30 iyuniga qadar amal qiladi. Transfermarkt portali italiyalik futbolchini 3,5 million yevroga baholamoqda.