"Милан" ҳимоячиси Андреа Конти "Эмполи"га ўтиши мумкин, дея хабар беради журналист Жанлука ди Марцио ўз сайтида.
Манба берган хабарга кўра, "Эмполи" ҳимоя чизиғини кучайтиришни режалаштирган ва қишки трансферлар вақтида 27 ёшли италияликни сотиб олмоқчи.
Бу мавсумда Конти “Милан” сафида бирорта ҳам ўйин ўтказмади. Ҳимоячининг клуб билан шартномаси 2022 йилнинг 30 июнига қадар амал қилади. Трансфермаркт портали италиялик футболчини 3,5 миллион еврога баҳоламоқда.