"Челси"нинг янги бош мураббийи Хаби Алонсо лондонликларнинг ёзги трансфер стратегиясини ишлаб чиқишни бошлади. CentreGoalHQ нашрининг маълумотларига кўра, испаниялик мутахассис "кўклар" раҳбариятига ўзи сотиб олмоқчи бўлган футболчиларнинг қисқача рўйхатини (шорт-лист) тақдим этган.
Алонсо трансфер бозоридаги учта асосий нишонни аллақачон тасдиқлаб бўлди — булар "Байер"дан Виктор Бонифасе, "Сандерленд"дан Гранит Жака ва "Реал"дан Килиан Мбаппедир. Ушбу футболчиларнинг ҳар бири ўз вақтида Алонсо қўл остида тўп сурган: Бонифасе ва Жака — "Байер"да, Мбаппе эса — "Реал"да.
Эслатиб ўтамиз, "Челси" 17 май куни Хаби Алонсо жамоа бош мураббийи этиб тайинланганини расман эълон қилган эди. Испаниялик мутахассис билан 2030 йилнинг 30 июнига қадар мўлжалланган шартнома имзоланган.
