Angliyaning "Arsenal" klubi futbolchisi Kiran Tirni jamoasining APLdagi eng asosiy maqsadini aytdi.

"Shubhasiz, chempionat yakuniga ko‘ra kuchli to‘rtlikdan joy olish. Buni klub muxlislari ham, futbolchilar ham, murabbiylar va klubimizning har bir a’zosi xohlamoqda, biroq oldimiz uzun yo‘l turibdi. Shu sababli, oldinga qarab ketib qolmasligimiz kerak. Bizni ko‘plab o‘yinlar kutib turibdi, shu jumladan katta bahslar ham, shuning uchun oldimizda uzoq yo‘l bor.

Biz hozir yaxshi yo‘ldamiz. Baxtiyormiz, yaxshi o‘yin ko‘rsatyapmiz va gollar kirityapmiz. Maqsadimiz sari boryapmiz. Tarkibimiz juda yosh va juda ajoyib ko‘rinmoqda. Umid qilamanki, yaqin yillar ichida barchamiz birga o‘ynaymiz va birgalikda o‘sishga erishamiz. O‘ylaymanki, siz buni o‘tgan mavsumda ko‘rgan bo‘lishingiz mumkin", — Tirnining so‘zlaridan iqtibos keltirmoqda Evening Standard.