"Barselona" jiddiy koronavirus epidemiyasini boshidan kechirmoqda.
Klub matbuot xizmatining xabar berishicha, bugun Filippe Koutinyo, Serjinyo Dest va Abde Ezzalzulining testi ijobiy chiqqan. Har uchala futbolchi ham uyda o‘zlarini izolyasiya qilishmoqda.
Shu tariqa, “Barsa”ning 10 nafar futbolchisi koronavirusga chalindi. Oldinroq himoyachilar Xordi Alba, Dani Alves, Kleman Langlet, Samuel Umtiti va Aleks Balde hamda yarim himoyachilar Usmon Dembele va Gavida kovid aniqlangan edi.
"Barselona" navbatdagi o‘yinini 2 yanvar kuni o‘tkazadi. Kataloniya klubining raqibi "Malyorka" bo‘ladi.
