"Arsenal"ning 32 yoshli gabonlik hujumchisi Pyer-Emerik Obameyangga Saudiya Arabistonining "Al-Hilol" klubi qiziqish bildirmoqda. Jamoaga ayni vaqtda taniqli mutaxassis Leonardo Jardim boshchilik qilmoqda.
Jurnalist Nikolo Skiraning xabar berishicha, futbolchiga 3 yillik shartnoma taklif qilingan. Ammo Obameyangning ustuvor vazifasi faoliyatini Yevropada davom ettirish bo‘lib qolmoqda.
Eslatib o‘tamiz, dekabr oyi o‘rtalarida Obameyang jiddiy intizomiy qoidabuzarlik tufayli "Arsenal" sardori maqomidan mahrum qilingan edi. Endi taxminlarga ko‘ra, gabonlik yanvar oyida "Arsenal"ni tark etishi mumkin.
