"Арсенал"нинг 32 ёшли габонлик ҳужумчиси Пьер-Эмерик Обамеянгга Саудия Арабистонининг "Ал-Ҳилол" клуби қизиқиш билдирмоқда. Жамоага айни вақтда таниқли мутахассис Леонардо Жардим бошчилик қилмоқда.
Журналист Николо Скиранинг хабар беришича, футболчига 3 йиллик шартнома таклиф қилинган. Аммо Обамеянгнинг устувор вазифаси фаолиятини Европада давом эттириш бўлиб қолмоқда.
Эслатиб ўтамиз, декабрь ойи ўрталарида Обамеянг жиддий интизомий қоидабузарлик туфайли "Арсенал" сардори мақомидан маҳрум қилинган эди. Энди тахминларга кўра, габонлик январь ойида "Арсенал"ни тарк этиши мумкин.
