“Barselona” o‘z himoyachisi Samuel Umtiti uchun yangi klub izlashda davom etmoqda. Kataloniya rahbariyatining sabri tugayapti, chunki futbolchi 5 ta taklifni rad etgan, deb xabar bermoqda ispan matbuoti.
Futbolchi Chempionlar ligasida o‘ynaydigan jamoaga o‘tmoqchi. “Ko‘k-anorranglilar” Umtitidan qutulishlari kerak, chunki u eng yuqori maoshlardan biriga ega. Agar, futbolchi jamoadan ketmasa kataloniyaliklar yangi xaridlarini ro‘yxatdan o‘tkaza olmaydi.
Ma’lumot o‘rnida, joriy mavsumda Samuel “Barselona” safida atigi bitta o‘yinda maydonga tushdi.
