Avval ma’lum qilganimizdek, shu kunlarda o‘zbek boksi afsonasi Rufat Risqiyevga yangi uy qurish ishlari olib borilmoqda. Hukumatimizning e’tibori hamda g‘amxo‘rligi bilan qad rostlayotgan yangi xonadonning tom qismi yopilib, pardozlash ishlari boshlab yuborildi.
O‘zbekiston sport faxriylari kengashi raisi Bahodir Maxsitov bayram arafasi Rufat Asadovichning xonadoniga tashrif buyurib, qurilish ishlari bilan yaqindan tanishdi. Yangi uy Rufat Risqiyening xonadonida, o‘z hovlisining bo‘sh qismida qad rostlamoqda. Yaqin kunlarda uy to‘liqligicha bitkazilib, afsonaviy bokschimiz shinam va issiq xonadoniga ko‘chib o‘tadi.