«Yuventus» o‘zining eng yaxshi mavsumini o‘tkazmayapti - Krishtianu Ronaldu bilan xayrlashganidan so‘ng, «byankoneri»lar o‘z darajasini keskin yo‘qotdi. Klubning sobiq futbolchisi Sami Xedira «Yuventus»ning muammolari haqida gapirdi.
«Bir-ikki yil oldin ular juda o‘zgara boshladi, ba’zi xatolarga yo‘l qo‘yildi. Hozir jamoa yaxshi o‘ynayapti, lekin kam gol uradi, muammo shu. Ko‘p gol urgan Ronaldu yo‘q. Yangi jamoa, yosh futbolchilar, muvozanat yo‘q, maydon o‘rtasida yangi yetakchi yo‘q, chunki Kellini va Bonuchchi himoyada o‘ynaydi. «Yuve» muxlisi sifatida buni ko‘rish meni xafa qiladi», - deya afsuslanadi Xedira.
