“Liverpul” va Angliya terma jamoasining sobiq himoyachisi Jeymi Karrager mersisayd klubi sotib olishi kerak bo‘lgan futbolchi nomini aytdi.
“Jud Bellingem — “Liverpul” uchun eng mos futbolchi. Klub uni yozgi transfer oynasi vaqtida sotib olsa bo‘ladi”, - deydi Karrager
Eslatib o‘tamiz, Bellingem 2020 yilda “Birmingem Siti”dan 23 million yevro evaziga Dortmundning “Borussiya”siga o‘tgan edi. Inglizning nemis klubi bilan shartnomasi 2025 yilning yoziga qadar amal qiladi. Transfermarkt portali ma’lumotlariga ko‘ra, futbolchining bozor qiymati 75 million yevroni tashkil qiladi.
Joriy mavsumda yarimhimoyachi Germaniya Bundesligasining 15 ta uchrashuvida ishtirok etib, 2 ta gol urdi va 5 ta golli uzatmani amalga oshirdi. Bellingem 2020 yildan buyon Angliya terma jamoasiga sharafini himoya qilib keladi.
