“Ливерпуль” ва Англия терма жамоасининг собиқ ҳимоячиси Жейми Каррагер мерсисайд клуби сотиб олиши керак бўлган футболчи номини айтди.

“Жуд Беллингем — “Ливерпуль” учун энг мос футболчи. Клуб уни ёзги трансфер ойнаси вақтида сотиб олса бўлади”, - дейди Каррагер

Эслатиб ўтамиз, Беллингем 2020 йилда “Бирмингем Сити”дан 23 миллион евро эвазига Дортмунднинг “Боруссия”сига ўтган эди. Инглизнинг немис клуби билан шартномаси 2025 йилнинг ёзига қадар амал қилади. Трансфермаркт портали маълумотларига кўра, футболчининг бозор қиймати 75 миллион еврони ташкил қилади.

Жорий мавсумда яримҳимоячи Германия Бундеслигасининг 15 та учрашувида иштирок этиб, 2 та гол урди ва 5 та голли узатмани амалга оширди. Беллингем 2020 йилдан буён Англия терма жамоасига шарафини ҳимоя қилиб келади.