“Arsenal”ning bosniyalik himoyachisi Sead Kolashinas jamoasini o‘zgartirishi mumkin. 28 yoshli futbolchining xizmatlariga “Marsel” qiziqish bildirmoqda, deb xabar beradi “L’Équipe”.

Manbaga ko‘ra, bitim qishki transfer oynasi vaqtida amalga oshishi mumkin. Oldinroq “kanonirlar” himoyachini sotishga tayyor ekani xabar qilingandi.

Kolashinas 2017 yildan beri “Arsenal”da o‘ynab kelmoqda. Futbolchining London klubi bilan shartnomasi 2022 yilning 30 iyuniga qadar amal qiladi. Transfermarkt internet portaliga ko‘ra, futbolchining bozor qiymati 3 million yevroni tashkil qiladi.