Germaniya Bundesligasi 18-turidan o‘rin olgan uchrashuvda "Borussiya D" safarda "Ayntraxt"ni mag‘lub etdi (3:2).

Qiziqarli kechgan uchrashuvdagi bir epizod ko‘pchilik mutaxassislarning e’tiborini qaratdi. Ya’ni o‘yinning 87-daqiqasida norvegiyalik futbolchi Erling Xoland "Ayntraxt" futbolchisi Rafael Santos Borre bilan tortishib qoladi va Xoland kolumbiyalik futbolchiga qarata ispanchada "Qué pasa hermano?" (nima muammo, do‘stim) deya murojat qiladi.

Ushbu harakat mutaxassislar e’tiboriga tushdi va ko‘pchilik Xolandning kelasi mavsumda Ispaniya La Ligasiga o‘tishini taxmin qilmoqda.