Ispan nashrlarining ma’lum qilishicha, “Monako” himoyachisi Djibril Sidibe “Barselona” qiziqishlari doirasiga tushib qolgan edi. Turli mish-mishlarga ko‘ra, fransiyalik futbolchi Serjinyo Destning o‘rnini egallashi mumkin edi.

Biroq Sidibening o‘zi klub ro‘yxatini o‘zgartirishga shoshilmayapti. “Foot Mercato” nashri futbolchining “Monako” bilan shartnomasi uzaytirilishi mumkinligi haqida ma’lumot berdi.

Qayd etilishicha, futbolchining o‘zi muddatni uzaytirishni istamoqda. Ilgari u haqiqatan ham jamoani tark etishga tayyor edi, ammo bosh murabbiyning o‘zgarishi vaziyatni o‘zgartirdi - u Filipp Klement qo‘l ostida ishlashni xohlamoqda.