Yarimhimoyachi Ruben Loftus-CHik qishda “Chelsi”ni tark etishi mumkin.

Jurnalist Janluka Di Marsioning so‘zlariga ko‘ra, “Yuventus” 25 yoshli ingliz futbolchisi xarid qilishni ko‘zlamoqda.

Agar, “Arsenal” yarimhimoyachi Arturni ijaraga olsa, “byankonerilar” braziliyalik futbolchiga o‘rinbosar topmoqchi. Loftus-CHik - asosiy variant, ammo Bruno Gimaraysh (“Lion”) va Renatu Sanches (“Lill”) nomzodlari ham ko‘rib chiqilmoqda.

Loftus-CHik joriy mavsumda APLda 12 ta o‘yinda maydonga tushib, 2 ta golga assistentlik qildi.