Mavsumdan keyin esa Avstriya va Shveysariyada 2008 yilgi Yevropa chempionati bo‘lib o‘tdi.
“Germaniya terma jamoasi bilan final o‘yinidan oldin mendan ushbu uchrashuvda hal qiluvchi golni kiritsam nima qilishimni so‘rashdi. Mening javobim juda oddiy edi, men aytdim: "Hamma narsa!". O‘sha oqshom mening zarbam hal qiluvchi bo‘lib, Ispaniya terma jamoasi Yevropa chempioni bo‘lishini tasavvur ham qila olmasdim. O‘sha katta quvonch va g‘alabamizning ulkan bayramini bashorat qilish haqiqatga to‘g‘ri kelmaydi. Muxlislar bizni uyda qanday kutib olgani haqidagi taassurot menda abadiy qoladi."
Ispaniyalik futbolchining o‘yinlari e’tibordan chetda qolmadi va darhol futbolchi atrofida uni boshqa klublar bilan bog‘lovchi mish-mishlar paydo bo‘la boshladi. Yevropaning eng yaxshi hujumchilaridan biri maqomini olgan Torresga bunday e’tibor bo‘lishini kutish mumkin edi.
Biroq Fernando bu mish-mishlar asossiz ekanini u hali “Liverpul”dan ketish niyati yo‘qligini aytdi. Uni Enfildda sevishar edi.
2009 yilning 10 martida Torres Chempionlar ligasida azaliy raqibi “Real” bilan to‘qnash keldi. U to‘pig‘idan jarohat olgan edi, lekin u baribir maydonga tushdi va jamoasining 1 goliga mualliflik qildi. “Liverpul” o‘sha o‘yinda 4-0 hisobida “galaktikos”ni taslim etdi. Oradan 4 kun o‘tib, “Old Trafford”da “Manchester Yunayted” darvozasiga gol urdi. O‘shanda "Liverpul" 4:1 hisobida g‘alaba qozondi va Fernando "Yunayted" muxlislariga besh sonini ko‘rsatib golni nishonladi. Bu "Liverpul"ning Chempionlar Ligasida necha marta chempion bo‘lganiga ishora edi. Shundan so‘ng Enfildda Torresga atalgan qo‘shiqlar kuylana boshlagan edi.
2009 yilning avgustida Torres «Liverpul» bilan yangi shartnoma imzoladi. Tabiatan uyatchan, Torres introvert ekanligini yashirmaydi; u hech qachon kimdandir e’tibor talab qilmagan. U shunchaki futbol bilan yashagan. Foaliyatini yakunlab ham futboldan keta olmasligini u o‘sha paytlar bilmas edi. Balki, o‘z rejalariga murabbiy bo‘lishni kiritish xaqida o‘ylab ham ko‘rmagandir.
U Liverpuldagi xamma narsani muzqaymoq va “Beatles” guruhini yoqtirganidek yaxshi ko‘rar edi. Uning "Royal Kazinosi” filmidagi Jeyms Bondning Aston Martinini sotib olganligi haqda ko‘pchilik bilmaydi. Bu uning xarakteridagi kamtarlikning belgisi edi.
2007 yilda “Marsel”ga 1:0 hisobida mag‘lub bo‘lganidan so‘ng, g‘azablangan Torres uyiga qaytib keldi va umidsizlikka tushdi: "Men umidsizlikni yengishning eng yaxshi usuli - yashash xonasi uchun ikkita mebel yasash deb o‘yladim."
U keyingi mavsumni ajoyib tarzda boshladi. “Vest Hem”ga dubl, “Xall”ga xet-trik. U sentyabr oyida Premyer-liganing eng yaxshi futbolchisi deb topildi. Oktyabr oyida u "qizillar"ning "Manchester Yunayted"ni mag‘lub etishiga yordam berdi (o‘yin 2:0 hisobida yakunlangan). U 29 dekabr kuni “Aston Villa”ga qarshi o‘yinda gol urdi va “Liverpul” tarixidagi eng tez 50 ta gol urgan futbolchiga aylandi. 2010 yilning 8 aprelida u Yevropa ligasida “Benfika”ga qarshi o‘yinda dubl qayd etgan va oradan 10 kun o‘tib tizzasidagi operasiya tufayli mavsumning qolgan qismini o‘tkazib yuborishi ma’lum qilingandi. U o‘sha mavsumni barcha musobaqalarda 32 o‘yinda 22 gol bilan yakunladi.
Yozda Fernando jahon chempioni bo‘ldi, biroq u alohida narsa bilan esga olinmadi.
Davomi bor.
