«Real» bosh murabbiyi Karlo Anchelotti Ispaniya superkubogi doirasida bo‘lib o‘tgan «Atletik Bilbao»ga qarshi o‘yin (2:0) borasida o‘z fikrini bildirib o‘tdi.

«Biz kuchli raqibga qarshi yaxshi o‘yin o‘tkazdik va g‘alabaga haqli bo‘ldik. Biz vaziyatni nazorat qildik.

Juda xursandman. Endi oldinga intilishda davom etishimiz va navbatdagi musobaqlarga e’tibor qaratishimiz kerak.

Nazarimda, biz barcha musobaqalarda sovrin uchun kurashamiz. Jamoamiz juda yaxshi, klubda yaxshi muhit hukmroq, mahoratli futbolchilar yetarli — bu esa bizni sovrinlar uchun kurashga undaydi. «Real» turli uslubda o‘ynashi mumkin.

Men g‘alabalardan charchamayman. "Bavariya"ga ishga o‘tgan paytlardan buyon hech qanday sovrin yutmagandim. Atrofimdagi insonlarning quvonchini ko‘rsam, o‘zim ham xursand bo‘laman.

Kurtua penaltini qaytargan holda bizni so‘nggi 10 daqiqalikdagi asabbuzarlikdan qutqardi», – dedi murabbiy.