«Реал» бош мураббийи Карло Анчелотти Испания суперкубоги доирасида бўлиб ўтган «Атлетик Бильбао»га қарши ўйин (2:0) борасида ўз фикрини билдириб ўтди.

«Биз кучли рақибга қарши яхши ўйин ўтказдик ва ғалабага ҳақли бўлдик. Биз вазиятни назорат қилдик.

Жуда хурсандман. Энди олдинга интилишда давом этишимиз ва навбатдаги мусобақларга эътибор қаратишимиз керак.

Назаримда, биз барча мусобақаларда соврин учун курашамиз. Жамоамиз жуда яхши, клубда яхши муҳит ҳукмроқ, маҳоратли футболчилар етарли — бу эса бизни совринлар учун курашга ундайди. «Реал» турли услубда ўйнаши мумкин.

Мен ғалабалардан чарчамайман. "Бавария"га ишга ўтган пайтлардан буён ҳеч қандай соврин ютмагандим. Атрофимдаги инсонларнинг қувончини кўрсам, ўзим ҳам хурсанд бўламан.

Куртуа пенальтини қайтарган ҳолда бизни сўнгги 10 дақиқаликдаги асаббузарликдан қутқарди», – деди мураббий.