Yaqinlashib kelayotgan Pekin-2022 qishki Olimpiya o‘yinlarining ochilish marosimi millionlab muxlislar intiqib kutayotgan tadbirlardan biri. Tashkilotchilar tadbirning barcha qismini ochiqlamayotgan bo‘lsalar ham, tomoshabinlarni yanada qiziqtirish uchun ba’zi ma’lumotlarni aytishmoqda. Jumladan, Olimpiya o‘yinlarining ochilish va yopilish marosimi direktori, kinorejissyor Chjang Imou bu borada barchada kuchli intriga uyg‘otadigan fikrlarni bildirdi:
“Hozir barcha sirlarni oshkor qila olmayman. Biroq shuni aytishim mumkinki, mash’ala yoqish marosimi chinakam inqilob bo‘ladi. Biz tarixdagi ekologik eng toza Olimpiadani o‘tkazishga harakat qilyapmiz. Ishonchim komilki, bunday marosimni dunyo ahli yaqin 100 yil ichida ko‘rmagan”, – deydi mutaxassis.
Ma’lumot uchun, XXIV qishki Olimpiya o‘yinlarining ochilish marosimi 4 fevral kuni Toshkent vaqti bilan soat 17:00 da boshlanishi va 1 soat, 40 daqiqa davom etishi belgilangan.
