OCHLdan farqli o‘laroq, OFK kubogi taqvimi o‘zgarishsiz qoldi. Ya’ni bu turnirni joriy yilning o‘zida yakunlash ko‘zda tutilgan. Final uchrashuvi 22 oktyabr kuniga belgilangan. Taniqli mutaxassis Alisher Nikimbayev bu safargi chiqishida ayni shunga o‘xshash masalalarga e’tibor qaratdi.
***
- OFK kubogining «Markaz» mintaqasi uchun taqvimi:
Guruh bosqichi - 24-30 iyun
Hududiy final - 16-17 avgust
Hududlararo yarim final - 5-6 sentyabr
Hududlararo final - 5 oktyabr
Final - 22 oktyabr
OCHL saralashi «pley-off» o‘yini 15 mart kuni o‘tkazilishini hisobga olsak, O‘zbekistonning OFK kubogidagi vakili o‘tgan yildagi kabi guruh raundi boshlanishidan 1 oy emas, balki 3 oy oldin ma’lum bo‘ladi. Bunday holatda «Nasaf» yoki «So‘g‘diyona»da turnirni o‘zida qabul qilish uchun ariza yozish imkoniyati bor. Agar shunday bo‘lsa, O‘zbekistonda iyun oyi futbol bilan to‘ladi:
1-19 iyun - 23 yoshgacha futbolchilar o‘rtasidagi Osiyo kubogi
8-14 iyun - Osiyo kubogi saralash turniri (guruhlar mezbonlari hali aniqlanmagan, dekin O‘FA ariza topshirishni rejalashtirmoqda)
24-30 iyun - OFK kubogi guruh turniri
