ОЧЛдан фарқли ўлароқ, ОФК кубоги тақвими ўзгаришсиз қолди. Яъни бу турнирни жорий йилнинг ўзида якунлаш кўзда тутилган. Финал учрашуви 22 октябрь кунига белгиланган. Таниқли мутахассис Алишер Никимбаев бу сафарги чиқишида айни шунга ўхшаш масалаларга эътибор қаратди.
***
- ОФК кубогининг «Марказ» минтақаси учун тақвими:
Гуруҳ босқичи - 24-30 июнь
Ҳудудий финал - 16-17 август
Ҳудудлараро ярим финал - 5-6 сентябрь
Ҳудудлараро финал - 5 октябрь
Финал - 22 октябрь
ОЧЛ саралаши «плей-офф» ўйини 15 март куни ўтказилишини ҳисобга олсак, Ўзбекистоннинг ОФК кубогидаги вакили ўтган йилдаги каби гуруҳ раунди бошланишидан 1 ой эмас, балки 3 ой олдин маълум бўлади. Бундай ҳолатда «Насаф» ёки «Сўғдиёна»да турнирни ўзида қабул қилиш учун ариза ёзиш имконияти бор. Агар шундай бўлса, Ўзбекистонда июнь ойи футбол билан тўлади:
1-19 июнь - 23 ёшгача футболчилар ўртасидаги Осиё кубоги
8-14 июнь - Осиё кубоги саралаш турнири (гуруҳлар мезбонлари ҳали аниқланмаган, декин ЎФА ариза топширишни режалаштирмоқда)
24-30 июнь - ОФК кубоги гуруҳ турнири
