«Dinamo» jamoasining yangi a’zosi Saydullo Rahmatov klub matbuot xizmati bilan suhbatda jamoadagi ilk taassurotlari bilan o‘rtoqlashdi.

«Dinamo»ga o‘tganimdan xursandman. Klub rahbariyati bilan bir yillik shartnoma imzoladik. Jamoa mashg‘ulotlariga qo‘shilganimga hali bir hafta o‘tmagan bo‘lsa-da, yaxshi taassurot qolmoqda. Serbiyalik bosh murabbiy qo‘l ostida mashg‘ulotlar o‘tyapmiz. Xorijlik murabbiyning mashg‘ulotlari qiziq o‘tmoqda, deyish mumkin. Jamoa foydalanishga topshirilgan yangi qarorgohda tayyorgarlik ko‘rmoqda. Bu yil deyarli yangi tarkib shakllanmoqda. Umid qilamanki, mavsum davomida samarqandlik muxlislar va bizga ishonch bildirganlarning ishonchini oqlay olamiz», - deydi 29 yoshli chap qanot himoyachisi Saydullo Rahmatov.