"Real"ning o‘ng qanot vingeri Marko Asensio jamoadagi faoliyatini davom ettirishi kutilmoqda.
Ispaniyadagi ayrim manbalarning xabariga ko‘ra, "blankos" bosh murabbiyi Karlo Anchelotti hozirda futbolchining ko‘rsatayotgan o‘yinidan to‘liq qoniqish hosil qilmoqda. Agar Asensio shu tempda o‘yin ko‘rsatishda davom etsa, raxbariyat unga yaqin orada yangi bitim taklif qiladi.
Ma’lumot uchun, 25 yoshli Ispaniya terma jamoasi a’zosi va Madrid superklubi o‘rtasidagi amaldagi shartnoma 2023 yilning yozida nihoyasiga yetadi.
Marko joriy mavsum barcha turnirlarda 23 o‘yinda maydonga tushib, 7 gol va 1 golli uzatmani amalga oshirdi. Transfermarkt uni 40 million yevroga baholagan.
