"Реал"нинг ўнг қанот вингери Марко Асенсио жамоадаги фаолиятини давом эттириши кутилмоқда.
Испаниядаги айрим манбаларнинг хабарига кўра, "бланкос" бош мураббийи Карло Анчелотти ҳозирда футболчининг кўрсатаётган ўйинидан тўлиқ қониқиш ҳосил қилмоқда. Агар Асенсио шу темпда ўйин кўрсатишда давом этса, рахбарият унга яқин орада янги битим таклиф қилади.
Маълумот учун, 25 ёшли Испания терма жамоаси аъзоси ва Мадрид суперклуби ўртасидаги амалдаги шартнома 2023 йилнинг ёзида ниҳоясига етади.
Марко жорий мавсум барча турнирларда 23 ўйинда майдонга тушиб, 7 гол ва 1 голли узатмани амалга оширди. Трансфермаркт уни 40 миллион еврога баҳолаган.
