Xabaringiz bor, 21 yanvar kuni O‘zbekiston milliy terma jamoasi Yaponiya bilan o‘rtoqlik uchrashuvi o‘tkazishi kerak edi.
Biroq epidemiologik vaziyat sababli ushbu o‘yin qoldirildi. O‘FA tomonidan jamoamiz uchun ushbu muddatga boshqa raqib topish ishlari olib borildi. FIFA kunlari bo‘lmagani va karantin cheklovlari sababli bir qancha terma jamoalar o‘z rejalariga o‘zgartirish kiritdi. Natijada, klublar bilan o‘ynash variantlari yuzaga keldi. Murabbiylar shtabi yig‘inga chaqirilgan bir qancha yosh futbolchilar, mahalliy klublar vakillariga milliy jamoada o‘yin amaliyotini taqdim etish maqsadida ana shu nazorat o‘yinini o‘tkazish fikrini qo‘llab-quvvatladi.
Shu tariqa, Birlashgan Arab Amirliklarining “Al-Vahda” klubi bilan 23 yanvar kuni nazorat uchrashuvi o‘tkazish bo‘yicha kelishuvga erishildi. Nazorat o‘yini ikkala murabbiyning talabi bilan yopiq tarzda o‘tishi belgilandi.
