Superliga yangi mavsumiga tayyorgarlik ko‘rayotgan «Nasaf» va «Dinamo» jamoalari o‘zaro nazorat o‘yinida maydonga tushishdi.
Qarshida yopiq eshiklar ostida o‘tgan bahsda har ikki jamoa bosh murabbiylari Ro‘ziqul Berdiyev va Predrag Rogan aralash tarkibni maydonga tushirib, bir qator futbolchilarni sinovdan o‘tkazdi.
Uchrashuvning 55-daqiqasida bosh hakam «Dinamo» darvozasi tomon penalti belgiladi. To‘pga yaqinlashgan qarshiliklar hujumchisi Husayn Norchayev 11 metrlik jarima zarbasidan jamoasiga g‘alaba keltiruvchi gol muallifiga aylandi – 1:0.
O‘rtoqlik uchrashuvi. 22 yanvar.
Qarshi, «Geolog» stadioni.
«Nasaf» - «Dinamo» - 1:0 (0:0)
Gol: Husayn Norchayev, 55 penaltidan.
