Суперлига янги мавсумига тайёргарлик кўраётган «Насаф» ва «Динамо» жамоалари ўзаро назорат ўйинида майдонга тушишди.

Қаршида ёпиқ эшиклар остида ўтган баҳсда ҳар икки жамоа бош мураббийлари Рўзиқул Бердиев ва Предраг Роган аралаш таркибни майдонга тушириб, бир қатор футболчиларни синовдан ўтказди.

Учрашувнинг 55-дақиқасида бош ҳакам «Динамо» дарвозаси томон пенальти белгилади. Тўпга яқинлашган қаршиликлар ҳужумчиси Ҳусайн Норчаев 11 метрлик жарима зарбасидан жамоасига ғалаба келтирувчи гол муаллифига айланди – 1:0.

Ўртоқлик учрашуви. 22 январь.

Қарши, «Геолог» стадиони.

«Насаф» - «Динамо» - 1:0 (0:0)

Гол: Ҳусайн Норчаев, 55 пенальтидан.