“Inter” hujumchisi Edin Jeko Italiya chempionatining 23-turi doirasidagi “Venesiya” ustidan qozonilgan g‘alaba (2:1) haqida fikr bildirdi. U g‘alaba to‘pini kiritdi.

“Bizda oson o‘yinlar yo‘q. Va bu mavsumning eng qiyin o‘yinlaridan biri bo‘ldi. Ha, bungacha biz bir qator mashaqqatli uchrashuvlarni o‘tkazdik, jumladan, Italiya Superkubogi uchun o‘yin ham.

Asosiysi, o‘yin yakunida g‘alabani tortib olishga muvaffaq bo‘ldik. Bunday muhim gollarni urganingizda, bu hissiyotlar bo‘ronini keltirib chiqaradi. Oxirgi paytlarda gol urmadim, lekin asosiysi, bugungi to‘p bizga g‘alaba keltirdi”, deydi Jeko.

“Inter” 53 ochko jamg‘arib, A Seriya turnir jadvalida peshqadamlikni davom ettirmoqda. Venesiya esa 17-o‘rinda qoldi (18 ochko).