“Интер” ҳужумчиси Эдин Жеко Италия чемпионатининг 23-тури доирасидаги “Венеция” устидан қозонилган ғалаба (2:1) ҳақида фикр билдирди. У ғалаба тўпини киритди.
“Бизда осон ўйинлар йўқ. Ва бу мавсумнинг энг қийин ўйинларидан бири бўлди. Ҳа, бунгача биз бир қатор машаққатли учрашувларни ўтказдик, жумладан, Италия Суперкубоги учун ўйин ҳам.
Асосийси, ўйин якунида ғалабани тортиб олишга муваффақ бўлдик. Бундай муҳим голларни урганингизда, бу ҳиссиётлар бўронини келтириб чиқаради. Охирги пайтларда гол урмадим, лекин асосийси, бугунги тўп бизга ғалаба келтирди”, дейди Жеко.
“Интер” 53 очко жамғариб, А Серия турнир жадвалида пешқадамликни давом эттирмоқда. Венеция эса 17-ўринда қолди (18 очко).
