Bugun Angliya Premyer-ligasi 23-tur doirasida «Arsenal» o‘z maydonida «Byornli» klubini qabul qiladi.

Mazkur bahsda «Byornli» o‘z tarixida ilk bor APL doirasidagi ketma-ket ikki mehmon uchrashuvda «kanonirlar»ni mag‘lub etishi mumkin. 2020 yilning 13 dekabr kuni o‘tkazilgan bahsda «Byornli» Obameyangning 73-daqiqadagi avtogoli sabab uch ochko egasiga aylangandi.

Bugun bahs Toshkent vaqti bilan 19:00da boshlanishi rejalashtirilgan.

«Arsenal» yarim himoyachisi Bukayo Saka APL doirasidagi so‘nggi 5 uchrashuvning har birida golli vaziyatlarda ishtirok etgan - 4 g ta gol, 2 ta assist. Angliyalik xavbek bugungi bahsda ham gol yoki assist qayd etsa, 20 yosh, 140 kunligida musobaqaning ketma-ket 6 o‘yinida golli harakatlarni amalga oshirgan eng yosh futbolchiga aylanadi.

Martin Edegor «Arsenal» safida APL uchrashuvlarining oxirgi yettitasida 6 golda ishtirok etdi. Uning hisobida uch gol va uch assist mavjud. Ma’lumot uchun, 23 yoshli norvargiyalik yarim himoyachi musobaqaning ilk 25 o‘yinida ikkitadan assist va gol qayd etgandi. Sermahsullik sezilarli darajada oshganinini aytish kerak.

«Byornli» jamoasi Angliya chempionati doirasidagi Londonda o‘tkazilgan oxirgi 9 uchrashuvning beshtasida g‘alaba qozongan (1 durang, 3 mag‘lubiyat). Solishtirish uchun, klub o‘zining Londondagi ilk 30 o‘yinida uch marta g‘alaba qozonib, 4 marotaba durang natija qayd etgan va 23 bahsda imkoniyatni boy berib qo‘ygan. Oxirgi paytlarda, jamoa London klublariga bosh og‘riq bo‘lib bormoqda.

Bahs rasmiylari

Bugungi uchrashuv Devid Kyutga ishonib topshirilgan. Unga qanotlarda Geri Besvik va Nik Xopton yordam berishadi. Robert Jons zaxira hakami sifatida qayd etilgan. VAR uchun Kris Kavenag hamda Adam Nyunn ma’sul.

Bosh hakam: Devid Kyut

Qanot hakamlari: Geri Besvik, Nik Xopton

Zaxira hakami: Robert Jons

VAR: Kris Kavenag

VAR yordamchisi: Adam Nyunn