Бугун Англия Премьер-лигаси 23-тур доирасида «Арсенал» ўз майдонида «Бёрнли» клубини қабул қилади.
Мазкур баҳсда «Бёрнли» ўз тарихида илк бор АПЛ доирасидаги кетма-кет икки меҳмон учрашувда «канонирлар»ни мағлуб этиши мумкин. 2020 йилнинг 13 декабрь куни ўтказилган баҳсда «Бёрнли» Обамеянгнинг 73-дақиқадаги автоголи сабаб уч очко эгасига айланганди.
Бугун баҳс Тошкент вақти билан 19:00да бошланиши режалаштирилган.
«Арсенал» ярим ҳимоячиси Букаё Сака АПЛ доирасидаги сўнгги 5 учрашувнинг ҳар бирида голли вазиятларда иштирок этган - 4 г та гол, 2 та ассист. Англиялик хавбек бугунги баҳсда ҳам гол ёки ассист қайд этса, 20 ёш, 140 кунлигида мусобақанинг кетма-кет 6 ўйинида голли ҳаракатларни амалга оширган энг ёш футболчига айланади.
Мартин Эдегор «Арсенал» сафида АПЛ учрашувларининг охирги еттитасида 6 голда иштирок этди. Унинг ҳисобида уч гол ва уч ассист мавжуд. Маълумот учун, 23 ёшли норваргиялик ярим ҳимоячи мусобақанинг илк 25 ўйинида иккитадан ассист ва гол қайд этганди. Сермаҳсуллик сезиларли даражада ошганинини айтиш керак.
«Бёрнли» жамоаси Англия чемпионати доирасидаги Лондонда ўтказилган охирги 9 учрашувнинг бештасида ғалаба қозонган (1 дуранг, 3 мағлубият). Солиштириш учун, клуб ўзининг Лондондаги илк 30 ўйинида уч марта ғалаба қозониб, 4 маротаба дуранг натижа қайд этган ва 23 баҳсда имкониятни бой бериб қўйган. Охирги пайтларда, жамоа Лондон клубларига бош оғриқ бўлиб бормоқда.
Баҳс расмийлари
Бугунги учрашув Девид Кютга ишониб топширилган. Унга қанотларда Гери Бесвик ва Ник Хоптон ёрдам беришади. Роберт Жонс захира ҳаками сифатида қайд этилган. ВАР учун Крис Кавенаг ҳамда Адам Нюнн маъсул.
Бош ҳакам: Девид Кют
Қанот ҳакамлари: Гери Бесвик, Ник Хоптон
Захира ҳаками: Роберт Жонс
ВАР: Крис Кавенаг
ВАР ёрдамчиси: Адам Нюнн