Madridning «Real» klubi bosh murabbiyi Karlo Anchelotti jamoa yarim himoyachisi Kazemiro haqida iliq fikrlarni bildirdi.
«Agar transfer bozoridan Kazemironing nusxasini izlaydigan bo‘lsak, albatta uni topa olmaymiz. Bunday futbolchilar dunyo futbolida kamdan-kam. U ajoyib futbolchi.
Lekin, uning pozisiyasida boshqa futbolchilar ham o‘ynay olishlari mumkin. Kamavinga boshqa ko‘nikmalarga ega bo‘lib, Kazemiro kabi bu pozisiyani tushunmasa-da, uning ishini amalga oshira oladi.
Men bu kabi tajribali yarim himoyachi bilan hech qachon ishlamaganman. «Milan»da Pirlo bor edi, lekin u turli xil fazilatlarga ega edi», – dedi Anchelotti.