Мадриднинг «Реал» клуби бош мураббийи Карло Анчелотти жамоа ярим ҳимоячиси Каземиро ҳақида илиқ фикрларни билдирди.
«Агар трансфер бозоридан Каземиронинг нусхасини излайдиган бўлсак, албатта уни топа олмаймиз. Бундай футболчилар дунё футболида камдан-кам. У ажойиб футболчи.
Лекин, унинг позициясида бошқа футболчилар ҳам ўйнай олишлари мумкин. Камавинга бошқа кўникмаларга эга бўлиб, Каземиро каби бу позицияни тушунмаса-да, унинг ишини амалга ошира олади.
Мен бу каби тажрибали ярим ҳимоячи билан ҳеч қачон ишламаганман. «Милан»да Пирло бор эди, лекин у турли хил фазилатларга эга эди», – деди Анчелотти.