«Roma» safarda «Empoli»ni mag‘lub etib, A seriya turnir jadvalida peshqadamlar orasidan joy olish uchun kurashish imkoniyatini saqlab qoldi. Rimliklar bosh murabbiyi Joze Mourinyo birinchi bo‘limda to‘rtta gol urgan shogirdlarining o‘yini haqida fikr bildirdi.
«Raqobatchilarning o‘yinlari qanday yakunlanganini hisobga olsak, bu biz uchun ajoyib natija. Yaxshi tayyorgarlik ko‘rdik, ikkinchi bo‘limda to‘pni yaxshiroq nazorat qilish uchun ataylab o‘yinni sekinlashtirdik. Oliveyradan ham mamnunman, u maydonda ajoyib qarorlar qabul qiladi. Abraxammi? U har bir o‘yinda gol urishi kerak», — dedi Mourinyo o‘yindan keyingi matbuot anjumanida.
