«Рома» сафарда «Эмполи»ни мағлуб этиб, А серия турнир жадвалида пешқадамлар орасидан жой олиш учун курашиш имкониятини сақлаб қолди. Римликлар бош мураббийи Жозе Моуриньо биринчи бўлимда тўртта гол урган шогирдларининг ўйини ҳақида фикр билдирди.

«Рақобатчиларнинг ўйинлари қандай якунланганини ҳисобга олсак, бу биз учун ажойиб натижа. Яхши тайёргарлик кўрдик, иккинчи бўлимда тўпни яхшироқ назорат қилиш учун атайлаб ўйинни секинлаштирдик. Оливейрадан ҳам мамнунман, у майдонда ажойиб қарорлар қабул қилади. Абрахамми? У ҳар бир ўйинда гол уриши керак», — деди Моуриньо ўйиндан кейинги матбуот анжуманида.