Malavi terma jamoasi bosh murabbiyi Mario Marinika shogirdlari Afrika Kubogi musobaqasida qanday sharoitda yashayotganidan nolidi va tashkilotchilar tomonidan kamchisitilgandek his qilayotganini yashirmadi.

Mutaxassisning aytishiga qaraganda, uning shogirdlari liboslarini o‘zlari yuvishga majbur bo‘lishmoqda, Bafussamdagi mehmonxona esa terma jamoani asosiy ehtiyojlar bilan ta’minlab bera olmagan.

«Sadio Mane ichki kiyimini yuvib, uni quritish uchun butalarga osib qo‘yganini ko‘ryapsizmi? Gambiya terma jamoasida ham shu muammo. Bu yerda turli xil standartlar mavjud, terma jamoalarga turli xil munosabatda bo‘lishmoqda.

Biz inklyuziya haqida gapiryapmiz, biz kichik jamoalar, autsayderlar fantastik ishlarni amalga oshirishni xohlaymiz, lekin, turnirning keyingi bosqichlari haqida gap ketganida hamma Senegal – Marokash o‘yinini gapiradi, Malavi – Kabo-Verde bahsini emas.

O‘rinli savol tug‘iladi: nima uchun bunday voqealar faqat kichik jamoalar bilan sodir bo‘ladi? Masalan, biz, Komor orollari yoki Gambiya terma jamoalari bilan?

Men hamkasblarimdan va terma jamoa rahbarlaridan rasmiy shikoyat yozishni so‘radim. Men mexmonxona rahbarlariga arz qildim, hamma narsa hal bo‘lishini uch kun kutdik», – dedi murabbiy.