«Yuventus» yarimhimoyachisi Aaron Remzi «Kristal Pelas», «Nyukasl Yunayted» va «Byornli» takliflarini rad etishda davom etmoqda.

Shu sababdan «Yuventus» yarimhimoyachini jamoadan chetlashtirishi mumkin. 31 yoshli futbolchining amaldagi shartnomasi 2023 yilning yoziga qadar tuzilgan.

Remzi «Yuventus» bosh murabbiyi Massimiliano Allegrining joriy mavsum rejalariga kiritilmagan.

Il Bianconero xabariga ko‘ra, Aaron ko‘plab takliflar olmoqda, ammo u barchasini rad etgan. Biroq, shuni ham ta’kidlashimiz kerakki, Remzi yakunda qanday qaror qabul qilishidan qat’i nazar, endi «Yuventus»da o‘ynamasligi aytilmoqda.