“Yuventus” himoyachisi Aleks Sandro faoliyatini Angliya premyer-ligasida davom ettirishi mumkin. 30 yoshli futbolchining xizmatlariga "Chelsi" qiziqish bildirmoqda, deb xabar bermoqda Goal La Gazzetta dello Sport nashriga tayanib.

Manba bergan xabarga ko‘ra, "aristokratlar" tizzasidan olgan jarohati tufayli mavsum yakuniga qadar safdan chiqqan Benjamin Chilvelga o‘rinbosar sifatida Sandro nomzodini ko‘rib chiqmoqda.

Braziliyalik futbolchi joriy mavsum A Seriyada 19 ta o‘yinda maydonga tushdi va bitta golli uzatmani amalga oshirdi. Futbolchining klub bilan shartnomasi 2023 yilning 30 iyuniga qadar amal qiladi. Transfermarkt ma’lumotlariga ko‘ra, futbolchining bozor qiymati 12 million yevroga teng.