“Ювентус” ҳимоячиси Алекс Сандро фаолиятини Англия премьер-лигасида давом эттириши мумкин. 30 ёшли футболчининг хизматларига "Челси" қизиқиш билдирмоқда, деб хабар бермоқда Goal La Gazzetta dello Sport нашрига таяниб.
Манба берган хабарга кўра, "аристократлар" тиззасидан олган жароҳати туфайли мавсум якунига қадар сафдан чиққан Бенжамин Чилуэллга ўринбосар сифатида Сандро номзодини кўриб чиқмоқда.
Бразилиялик футболчи жорий мавсум А Серияда 19 та ўйинда майдонга тушди ва битта голли узатмани амалга оширди. Футболчининг клуб билан шартномаси 2023 йилнинг 30 июнига қадар амал қилади. Трансфермаркт маълумотларига кўра, футболчининг бозор қиймати 12 миллион еврога тенг.
