Мадриднинг «Реал» клуби ярим ҳимоячиси Орельен Тчуамени ёзги трансфер ойнасида жамоани тарк этиши мумкин. Бу ҳақда журналист Рамон Альварес де Мон хабар бермоқда.
Манба берган маълумотларга кўра, 26 ёшли француз «Реал»нинг янги бош мураббийи Жозе Моуриньо учун дахлсиз футболчи ҳисобланмайди. Таъкидланишича, португалиялик мутахассис Тчуаменини ўзи учун ҳақиқатан ҳам муҳим футболчилар бўлган Беллингем ва Вальверде билан бир қаторга қўймаяпти.
Якунланган клуб мавсумида Тчуамени барча турнирларда 49 та ўйинда майдонга тушиб, ўз ҳисобига 2 та гол ва 2 та голли узатма ёздириб қўйган эди.
Transfermarkt портали маълумотларига кўра, футболчининг трансфер баҳоси 70 миллион еврони ташкил этади.
