Oxirgi kunlar Turkiyada havo harorati ancha pasayib, qalin qor yog‘di. Jumladan, mamlakat Superligasidan o‘rin olgan ayrim o‘yinlar qorli maydonlarda o‘tdi. Bu holat kichik futbol hiylasiga ham yo‘l ochdi. Gap «Gaziantep» va «Malatyaspor» o‘rtasidagi uchrashuvda kuzatilgan qiziqarli vaziyat haqida ketmoqda.
O‘yinning birinchi bo‘limi oxirida mezbon jamoa darvozasi tomon penalti belgilandi. Qizig‘i, jarima maydoni qor bilan qoplangandi va «Malatyaspor» futbolchisining «nuqta»ni ancha qidirishiga to‘g‘ri keldi. Bu orada raqiblar ham unga imkon qadar xalaqit berishga urinishdi. Ya’ni ular oxirigacha to‘p o‘rnatiladigan nuqta hududi tomon qor tashlashdi. Oxir-oqibat, yetarli darajada asabiylashgan Gunay Guvench mo‘ljalda adashdi - uning zarbasidan keyin to‘p darvoza ustuniga tegdi.
Ikkinchi bo‘limda esa qor yanada kuchaydi va o‘yin to‘xtatildi. Faqat shunisi borki, «Malatyaspor» murabbiyi Marius Shumudike o‘yinni vaqtida tugatib qo‘yishni talab qilib, shu qadar ehtirosga berildiki, hakam unga qizil kartochka ko‘rsatishga majbur bo‘ldi.
&description=Oxirgi%20kunlar%20Turkiyada%20havo%20harorati%20ancha%20pasayib%2C%20qalin%20qor%20yog%26amp%3Blsquo%3Bdi.&image=%2Fimages%2Fnews%2Fturkey-qor.jpg&noparse=true){kind=link}