Охирги кунлар Туркияда ҳаво ҳарорати анча пасайиб, қалин қор ёғди. Жумладан, мамлакат Суперлигасидан ўрин олган айрим ўйинлар қорли майдонларда ўтди. Бу ҳолат кичик футбол ҳийласига ҳам йўл очди. Гап «Газиантеп» ва «Малатьяспор» ўртасидаги учрашувда кузатилган қизиқарли вазият ҳақида кетмоқда.
Ўйиннинг биринчи бўлими охирида мезбон жамоа дарвозаси томон пенальти белгиланди. Қизиғи, жарима майдони қор билан қопланганди ва «Малатьяспор» футболчисининг «нуқта»ни анча қидиришига тўғри келди. Бу орада рақиблар ҳам унга имкон қадар халақит беришга уринишди. Яъни улар охиригача тўп ўрнатиладиган нуқта ҳудуди томон қор ташлашди. Охир-оқибат, етарли даражада асабийлашган Гунай Гувенч мўлжалда адашди - унинг зарбасидан кейин тўп дарвоза устунига тегди.
Иккинчи бўлимда эса қор янада кучайди ва ўйин тўхтатилди. Фақат шуниси борки, «Малатьяспор» мураббийи Мариус Шумудикэ ўйинни вақтида тугатиб қўйишни талаб қилиб, шу қадар эҳтиросга берилдики, ҳакам унга қизил карточка кўрсатишга мажбур бўлди.
&description=%D0%9E%D1%85%D0%B8%D1%80%D0%B3%D0%B8%20%D0%BA%D1%83%D0%BD%D0%BB%D0%B0%D1%80%20%D0%A2%D1%83%D1%80%D0%BA%D0%B8%D1%8F%D0%B4%D0%B0%20%D2%B3%D0%B0%D0%B2%D0%BE%20%D2%B3%D0%B0%D1%80%D0%BE%D1%80%D0%B0%D1%82%D0%B8%20%D0%B0%D0%BD%D1%87%D0%B0%20%D0%BF%D0%B0%D1%81%D0%B0%D0%B9%D0%B8%D0%B1%2C%20%D2%9B%D0%B0%D0%BB%D0%B8%D0%BD%20%D2%9B%D0%BE%D1%80%20%D1%91%D2%93%D0%B4%D0%B8.&image=%2Fimages%2Fnews%2Fturkey-qor.jpg&noparse=true){kind=link}