«Yuventus» yozgi transfer oynasi uchun reja ishlab chiqmoqda, hujumchi Paulo Dibalaning ketishi ehtimoli bor.

La Gazzetta dello Sport nashri xabariga ko‘ra, argentinalik futbolchi ketsa, Turin klubi yozda «Roma» yarimhimoyachisi Nikolo Zanyolo yoki «Sassuolo» hujumchisi Jakomo Raspadori bilan shartnoma imzolashi mumkin.

Dekabr oyida «Yuventus» Zanyoloning agentlari bilan olib borishdi. Uning «Roma» bilan shartnomasi 2024 yilning iyunigacha amal qiladi.

Eslatib o‘tamiz, Turin klubi Dibala bilan shartnomani uzaytirishga yaqin edi, biroq vaziyat o‘zgarib, muzokaralar fevral oyiga qoldirilgandi. Xabar qilinishicha, «Yuve» Dibalaga yangi shartnoma taklifini qaytarib olgan va uning maoshini kamaytirmoqchi.

22 yoshli vinger joriy mavsumda «Roma» safida barcha turnirlar doirasida 26 ta o‘yinda maydonga tushib, 4 ta gol urdi va 5 ta golli uzatmani amalga oshirdi. 

21 yoshli Raspadori «Sassuolo» safida 24 ta o‘yinda maydonga tushib, 7 ta gol urdi va 4 ta golli uzatmani amalga oshirdi.