«Ювентус» ёзги трансфер ойнаси учун режа ишлаб чиқмоқда, ҳужумчи Пауло Дибаланинг кетиши эҳтимоли бор.
La Gazzetta dello Sport нашри хабарига кўра, аргентиналик футболчи кетса, Турин клуби ёзда «Рома» яримҳимоячиси Николо Заньоло ёки «Сассуоло» ҳужумчиси Жакомо Распадори билан шартнома имзолаши мумкин.
Декабрь ойида «Ювентус» Заньолонинг агентлари билан олиб боришди. Унинг «Рома» билан шартномаси 2024 йилнинг июнигача амал қилади.
Эслатиб ўтамиз, Турин клуби Дибала билан шартномани узайтиришга яқин эди, бироқ вазият ўзгариб, музокаралар февраль ойига қолдирилганди. Хабар қилинишича, «Юве» Дибалага янги шартнома таклифини қайтариб олган ва унинг маошини камайтирмоқчи.
22 ёшли вингер жорий мавсумда «Рома» сафида барча турнирлар доирасида 26 та ўйинда майдонга тушиб, 4 та гол урди ва 5 та голли узатмани амалга оширди.
21 ёшли Распадори «Сассуоло» сафида 24 та ўйинда майдонга тушиб, 7 та гол урди ва 4 та голли узатмани амалга оширди.
