Islom Slimani «Lion»ni tark etib, o‘zining sobiq klubi «Sporting» klubiga qaytdi. Bu haqda Portugaliya klubi rasmiy sayti xabar bermoqda. 33 yoshli hujumchi mazkur jamoa safida 2013 yildan 2016 yilgacha to‘p surgan edi. Shundan so‘ng jazoirlik futbolchi «Lester»da o‘ynashga muvaffaq bo‘ldi, ammo u «tulkilar» lagerida uzoq vaqt qolmadi. U faoliyati davomida «Nyukasl», «Fenerbaxche», «Monako» va «Lion» kabi klublar sharafini himoya qilgan.
- Slimani vaqti keldi. U uyga qaytdi, deb yozdi Portugaliyaning amaldagi chempioni ijtimoiy tarmoqlardagi rasmiy sahifasi orqali.
