Ислом Слимани «Лион»ни тарк этиб, ўзининг собиқ клуби «Спортинг» клубига қайтди. Бу ҳақда Португалия клуби расмий сайти хабар бермоқда. 33 ёшли ҳужумчи мазкур жамоа сафида 2013 йилдан 2016 йилгача тўп сурган эди. Шундан сўнг жазоирлик футболчи «Лестер»да ўйнашга муваффақ бўлди, аммо у «тулкилар» лагерида узоқ вақт қолмади. У фаолияти давомида «Ньюкасл», «Фенербахче», «Монако» ва «Лион» каби клублар шарафини ҳимоя қилган.

- Слимани вақти келди. У уйга қайтди, деб ёзди Португалиянинг амалдаги чемпиони ижтимоий тармоқлардаги расмий саҳифаси орқали.