Madridning «Real» klubi bosh murabbiyi Karlo Anchelotti uning UYEFA murabbiylik lisenziyasi tugagani va tashkilot murabbiylik qilishi uchun undan imtihonni qayta topshirishni so‘ragani haqidagi xabarga izoh berdi.
«Men qonunlarni hurmat qilishga harakat qilaman. O‘ylashimcha, tushunmovchilik bo‘ldi. Haqiqatan ham lisenziyamning muddati tugadi, lekin Ispaniya federasiyasi menga yordam berdi va men oktyabr oyida kursda o‘qidim.
Muammo yo‘q. Ushbu kursni tashkil etgani uchun Ispaniya federasiyasiga minnatdorchilik bildirishim kerak», - dedi italiyalik mutaxassis.
«Real Madrid»ning navbatdagi o‘yini ertaga, 3 fevral kuni Ispaniya kubogi 1/4 finalida «Atletik»ga qarshi bo‘lib o‘tadi.
